Pu Kio Bil Tuanbia Tawi
PU KIO BIL TUANBIA TAWI
Pu Kio Bil cu Hakha Khuahlun, Lungpi Chuntei phun a si.
Chuntei hringsortu Duh Mang (9) Nak in amah chan tiang ahhin chan (15) nak a kan hringsortu kan pa a si.
Chuntei a kan hringsortu hna cu:
(1) Duh Mang (9) nak
(2) Lai Lian
(3) Zung Hrang
(4) Saang Luai
(5) Raal Thio
(6) Za Pau
(7) Hraang Vung le
(8) Kio Bil ... hi an si.
A tu i ka hun langhter mi Pu Kio Bil tuanbia tawi hi keimah M.Div. kum khatnak karak cawn lio i a mah nih aka chimh mi chung in a tawinak in ka hun tial mi a si.
Pu Kio Bil hi Ralkap rian arak tuan i, pension a chuah hnu zongah ralkap pension zung ah caan saupi a tuan thiam thiam.
(1) March 7, 1931 ( A pa Hrang Vung Diary ningin ) Kum ah a chuak. Hlanlio cu ca cawn an rak i thawk a hnut caah, 1942 kum lawng ah Laica Taangcheu cawn a rak i thawk.
(2) 1943 October thla ah Japan pawl cu Hakha an rak phanh cang caah a ca cawn cu peh awk a tha ti lo i, 1943/44 kum chung cu Tikul ah an rak rol. Cun Kuhchah ah an rak kal than. 1945 kum chungah Japan raal a thiang i, 1945 kum in Kuhchah Khua cun Hakha ah an rak tlung than.
(3) Cu ti cun 1946 in ca cawn hram a hun domh than i, 1950/51 kum ah Mirang ca 7th Standard a rak awn hnu ah Ralkap tlak ah a rak i thawh. Ralkap a tuan lio. Army School, Basein Khua ah, 8th Standard a awng.
(4) 1951 Febuary 10 ni ah Ralkap a rak tla i, Moulamein khua ah thla (6) chung Basic Training ( Mirang in ) an rak cawn hnu ah thla (3) training ( Kawl ca in ) a rak cawng than.
(5) Cu ti cun No.1st Bn.. the Chin Rifles ah Ralkap rian tuan hram a rak thawk, Wireless (or) Signal Platoon Head Quarter Company ah an rak chiah.
(6) Moulmein khua i kum hnih an rak um hnu, 1954 kum ah Irrawady Division, Ma U Bin khua ah an Battalion ning in an rak i thial.
(7) 1954 kum chung ah Wireless Course cu thla khat chung Bassein (Pathein) khua ah a rak cawng i, Distinction Q1 in a rak awng. Cu kum thiam thiam ahcun May Myo ah Wireless Course cu thla (3) a rak kai than i, "A" in a rak aWng. Wireless kong he pehtlai in tha ten a thiam ko rih. Civil Wireless Operator tuan ding a si nain Pension Zung a tuan.
(8) Cun 1955 kum ah Teachers Course cu May Myo ah arak kai than i, "B" in arak awng Certificate an pekmi a rak thlau sual caah Ralkap Pension a chuah lio ah hin Siang Cachim rak tuan ding a si nan tlam a rak tlin khawh lo caah Ralkap Pension Zung le a dang dang rian tu arak tuan.
(9) 1954 - 1963 tiang Exchange rian arak tuan. Pumpululh chuih ah Battalion Team ah aa tel ve lengmang.
(10) 1956 kum ah Clerical Course cu Rangoon ( Bauktaw) ah thla (6) chung a cawn hnu ah Clerk ah a lut.
(11) 1958 kum ah Moulmein khua mi nih No. 1st Bn.., the Chin Rifles pawl kha ra than hna seh tiah an auh hna caah, cu kum cun Battalion ningin Moulmein ah an i thial than.
(12) 195891963 tiang Moulmein ah arak um lio, 1963 kum ah a nupi, Pi Thla Hnem, he an rak i um. Rev. Aung Tun nih kutsihnak a tuah hna. Moulmein ah cun 1965 tiang an rak um.
(13) 1966 Kum ah No. 96th Bn. the Burma Regiment, Bilin khua ah an rak thial hna i, 1969 kum ah a nupi le a fale ( mithi, Khuang Paar & Sang Luai ) cu Lai tlang ( Hakha )ah a hun chiah hna.
(14) Cu ti cun 1970 kum cu amah lawng arak um i, Company Clerk rian arak tuan.
(15) 1971 Kum ah Pension in a tlung i, Hakha Pension Zung ah 1981 tiang arak tuan.
(16) 1982 in 1985 tiang Township Co-operative Society zung ah kum (4) chung Secetary rian arak tuan ( term - 2 arak peh).
(17) 1985-86 kum chung ah Village Party Seik Leader a rak tuan pah i, 1986 kum thok in Township Ex-Soldier Board Office zung ah 2005 tiang a tuan.
Note: Pu Kio Bil hi Ralkap rian kum (21) a tuan caah 1985 kum
ah khan min thatnak laksawng suihut medal le tangka
Ks. 5000/- a rak hmu.